Duqa Muqdisho oo kormeeray dhismaha waddo Laami cusub la saaray (Sawirro)

0
94

Gudoomiyaha Gobolka Banaadir ahna Duqa Magaalada Muqdisho Mudane Cumar Maxamuud Maxamed (Cumar Filish) iyo Gudoomiye ku xigeenka Howlaha guud ayaa xalay kormeeray dhismaha wadada isku xirta isgoyska Boondheere iyo Siinaay.

Cumar Filish ayaa u kuurgalay sida uu u socday howlaha dhismaha wadadan oo muhiim u ah isku socodka gaadiidka dadweynaha ee magaalada Muqdisho.

Xiliga uu Guddomiye Cumar Filish sameynayey kormeerka ayaa waxaa wadada ka socday shaqo culus oo laami lagu saarayey taasoo ay wadeen shaqaalaha loo xilsaaray dhismaha wadadan oo adeegsanaya gaadiid kala duwan iyo qalab loogu talo galay dhismaha jidadka.

Wadadan ayaa ka mid aheyd kuwa ugu burburka badan magaalada Muqdisho mudada ay dalka ka jireen dagaalada sokeeye, waxaana haatan dib u soo laabatay bilicdii wadadaas taasoo ay soo dhoweeyeen shacabka degmada Boondheere.

LEAVE A REPLY

Please enter your comment!
Please enter your name here